Anita Haradinaj ka zbuluar “kushtin” që i kishte vendosur Vera Grabockës për të qenë pjesë e “Dance Albania”. Ndonëse ka mbi 20 vite në ekran, ajo është njohur gjithmonë si gazetarja serioze, brenda kornizave të saj.
Pjesëmarrja në “Dance Albania” nuk ishte në natyrën e saj. Në një intervistë për “Prive”, ajo ka rrëfyer të pathënat në lidhje me këtë spektakël. Një ndër prioritetet ishte që të ruante reputacionin që kishte krijuar përgjatë gjithë këtyre viteve.
“Dëgjo Verë, unë kam 23 vite që e kam ndërtuar këtë profil, këtë karrierë në televizion dhe ti televizionin e njeh. Televizioni i ka dy anë, ose të rrëzon ose të ngre lartë.
Me gjithë bagazhin që unë kam, emrin tim si Anitë, po ta lej ty në dorë dhe merre ti përgjegjësinë. Ti ose do të më rrëzosh, ose do më çosh. Edhe mendoj se ka qenë çdo gjë shumë korrekte. Jam e kënaqur me gjithë realizimin e gjësë dhe ruajtjen e kësaj figurës që kam”, tha Anita Haradinaj.
