Presidenti i Rusisë, Vladimir Putin tha se anijet luftarake ruse të pajisura me raketa “Kalibr”, vazhdimisht do të qëndrojnë në roje në Detin Mesdhe.
Putin në takimin me zyrtarët e Ministrisë së Mbrojtjes të Rusisë në Soçi, theksoi se stërvitjet dhe praktikat ushtarake me rreze të gjata duhet të vazhdojnë.
Lajmin e ka bërë të ditur vetë presidenti Vladimir Putin, i cili ka saktësuar se shkak për këtë lëvizje është bërë kërcënimi që vjen nga terroristët ndërkombëtarë në Siri.
Në një prononcim për agjencinë e lajmeve “TAS”, Putin ka thënë se këtë vit Rusia do të kryejë 120 operacione ushtarake detare, me anije dhe nëndetëse.
Ndonëse shefi i Kremlinit nuk ka saktësuar se kujt i referohet me termin “terroristë ndërkombëtarë”, lëvizja e tij vjen pak kohë pas sulmeve të Perëndimit në Siri, nga anije dhe nëndetëse të pozicionuara në Mesdhe.
“Për shkak të vazhdimit të rrezikut të sulmit të terroristëve ndërkombëtarë në Siri, anijet luftarake të pajisura me raketa ‘Kalibr’ vazhdimisht do të qëndrojnë në roje në Detin Mesdhe”, deklaroi Putin duke treguar se këtë vit planifikojnë gjithsej 102 ekspedita anijesh dhe nëndetësesh.
Raketat “Kalibr” prodhim rus me një gamë prej rreth 2.500 kilometra në Siri për herë të parë janë përdorur në tetor të vitit 2015.
