Anija norvegjeze “Polar Empress”, 117 metra e gjatë, e specializuar në kërkim nafte dhe hidrokarburesh në det, ka mbërrit në portin malazez të qytetit Bar. Anija do të qëndrojë aty për rreth një muaj dhe do vendoset mes këtij qyteti dhe Ulqinit. Ajo do të vendose afër kufirit detar shqiptar, për të testuar burime të mundshme nafte. Nuk dihet nëse pala shqiptare dhe ajo malazeze janë konsultuar për këtë operacion. Kjo vetëm për faktin për të shmangur ndonjë incident të mundshëm që mund të prekë interesat e dy palëve. Rezervat naftëmbajtëse natyre mund të jenë të shtrira në ujërat e dy shteteve. Një fakt i tillë do bënte që do përfitonte vetëm Mali i Zi.
Sakaq, kujtomë se operacioni do të ndërmerret nga konsorciumi italian-rus “Eni-Novatek”, raporton total-montenegro-news.com.
Mali i Zi bëri një ftesë publike për eksplorimin e hidrokarbureve në fund të korrikut 2013 dhe e mbylli marrëveshjen më 15 maj 2014.
Vendimi për dhënien me koncesion për konsorciumit italian-rus “Eni-Novatek” është bërë në dhjetor 2015.
Marrëveshje përcakton se koncesioni është 30 vjet dhe që i referohet katër blloqeve që janë të vendosura në jug të detit të Malit të Zi, në afërsi të kufirit me Shqipërinë.
Njoftimi i ardhjes së anijeve për të kërkuar burime të mundshme të naftës dhe gazit në Malin e Zi ka shkaktuar protesta nga një numër organizatash mjedisore në atë vend.
Ndërsa ambientalistët kërkojnë futjen e një moratoriumi mbi kërkimet për shkak të ndikimit në mjedis dhe rrezikut për tërmete potenciale. Qeveria malazeze ka pohuar se efektet do të jenë të papërfillshme./TIRANA TODAY/
