Një tualet prej ari, vepër e artistit italian Maurizio Cattelan është vjedhur nga grabitësit vetëm dy ditë pasi ishte ekspozuar për vizitorët.
Tauleti i floririt, me vlerë prej më shumë se 1 milion euro, është vjedhur në Pallatin Blenheim në Angli.
Grabitja është kryer rreth orës 4 e 50 minuta të mëngjesit. Policia nuk e ka gjetur ende objektin e çmuar, por ka arrestuar një 66-vjeçar.
Besohet se ai ka pasur edhe disa bashkëpunëtorë, të cilët kanë kryer vjedhjen.
Zyrtarët thanë se kjo grabitje ka shkaktuar edhe dëme të tjera, pasi ishte e instaluar me rrjetin e ujësjellësit.
Ndërtesa ku ndodhi grabitja është mbyllur për vizitorët, për shkak të zhvillimit të hetimeve.
