Një patrullë policie që ndaloi në një shtëpi në Kenton të Britanisë, u habit kur u përball me një laborator droge të ndërtuar brenda një vile.
Policia britanike zbuloi një fabrikë të sofistikuar kanabisi që ishte përshtatur brenda një vile. Droga ndodhej në 5 dhoma të mëdha, në një sasi prej 400 bimësh kanabisi.
Vila ishte kthyer në një laborator droge, që ishte mbjellë në dhoma me ndriçim të avancuar dhe sistem ajrimi.
Policia arrestoi një 27-vjeçar shqiptar, i cili dyshohet se është pjesë e një bande të organizuar kriminale. Mësohet se shqiptari po qëndronte ilegalisht në Mbretëri të Bashkuar.
Shqiptari i arrestuar po mbahet në një stacion policor në veri-perëndim të Londrës. Ende nuk dihet identiteti i të riut, ndërsa policia vijon investigimet./ TIRANA TODAY
