Një grua nga Anglia, e cila ka zgjedhur të jetojë në Shqipëri, është solidarizuar me studentët që vijojnë protestën para Kryeministrisë.
Ajo u ka sjellë atyre ushqime, duke shpërndarë për ta qeska të vogla për të shuar sado pak urinë.
Studentët e kanë marrë ne mesin e tyre, ndërsa i kanë afruar edhe megafonin për të folur dhe për të dhënë një mesazh.
“Unë nuk jam studentë dhe nuk jam nga Shqipëria por, ju mbështes fort ju të gjithëve, për disa arsye. Së pari, sepse si qytetare që po jetoj në ketë vend dhe që kam në plan të vazhdoj të jetoj, dua që të keni të njëjtat të drejta edukimi siç unë kam pasur fatin të kem. Së dyti, nëse do të kem fëmijë, ata do të edukohen këtu, dhe unë dua që ata të kenë akses të plotë edukimi. Unë ju mbështes ju dhe mendoj që mbështetja duhet të jetë edhe nga gjithë Komisioni Evropian. Ndaj vazhdoni dhe mos lejoni që politika t’ju ndalojë”, u shpreh anglezja.
