Protesta e studentëve është në ditën e 12-të, por kryeministri Edi Rama nuk tërhiqet nga vendimi i tij për të kërkuar dialog. Nga ana tjetër studentët kërkojnë fillimisht plotësimin e 8 pikave të tyre pastaj të dialogojnë.
Me sa duket kryeministri Edi Rama po mban ndaj studentëve, të njëjtin qëndrim që po mban Bashkimi Evropian ndaj qeverisë shqiptare.
Pikërisht me këtë gjë kanë ironizuar të rinjtë ditën e sotme. Në rrjetet socialë është bërë “hit” një video e montuar me titra shqip, ku sipas tyre Angela Merkel ‘i tërheq veshin’ Ramës dhe i kërkon studentëve që të mos tërhiqen.
Merkël i mëson të rinjtë që të mbajnë të njëjtin qëndrim që mban dhe ajo ndaj Ramës. Fillimisht të plotësohen kërkesat pastaj të hapet rruga e dialogut. Sa do të donin të gjithë të rinjtë që ky të ishte qëndrimi i vërtetë i kancelares gjermane Angela Merkel.
