Gara për kreun e FSHF-së është bërë mjaft interesante me kandidimin e Bashkim Finos, pasi cilësohet si një rival i fortë për kreun aktual Armand Dukën. Ky i fundit kërkon të firmosë mandatin e tij të pestë radhazi, për të vulosur një sundim 20 vjeçarë në krye të Federatës.
55-vjeçari është favorit në këto zgjedhje pasi dhe mënyra si funksionon kandidimi i jep favore atij dhe jo konkure4ntëve, pasi nuk u jepet mundësia të shpalosin para antarëve që do të votojnë platformat e tyre. Për këtë, Duka ka marrë mbështetje të fuqishme edhe nga mbrojtësi i Kombëtares shqiptare, Andi Lila, i cili shpreson se do t’i fitojë ai sërish zgjedhjet.
“Të uroj me zemër të fitosh dhe suksese. Na ke udhëhequr drejt ëndrrave tona të fëmijërisë. Suksese President”, ka shkruar Lila në rrjetet sociale. Zgjedhjet për strukturat drejtuese të FSHF-së do të mbahen më 7 shkurt në Asamblenë e Përgjithshme Zgjedhore.
