A duhet të jetë Media e Lirë? A po tenton Rusia ashtu siç e cilëson edhe zyrtari i lartë amerikan Lee në fjalimet e tij, të kapë median e lirë në vendet e Ballkanit. Blerja e medias në çdo vend demokratik është cenim i rëndë i pavarësisë së lirisë së fjalës. A thua gazetaria e ka humbur sensin e kërkimit të vërtetës? A nuk ka për detyrë media e lirë të investigojë, të kërkojë dhe më pas të dalë në konkluzione?
Një logjikë e thjeshtë ashtu siç thoshin filozofët e lashtë: Nëse lajmi është i vërtetë, atëherë duhet një lajm i vërtetë që të humbë vlerën i pari. Media e lirë nuk shkruan nën frymën e diktatit ndërsa një pjesë e medias shkruan vetëm për të shprehur mendimin, qëndrimin e investuesit.
Zyrtari i lartë amerikan Lee deklaroi para Kongresit: “Në Ballkan shumë media janë blerë dhe ato vetëproklamohen të lira- të lira për të ushqyer interesat ruse në Ballkan”. Në vendet perëndimorë mediat e shëndetshme merren dhe duhet të merren me fakte, të zbulojnë të vërtetën pas një punë investiguese, verifikime dhe më pas arritja e një përfundimi sa më objektiv ku të pasqyrohet e vërteta reale.
Po ç’ndodhi brenda pak ditëve? Procesi i padëshiruar dhe ndoshta i nxituar solli në dritë atë që edhe Nostradamusi nuk do ta kishte parashikuar: Nisi procesi i vetenominimit të mediave të blera të shkruara/vizive dhe atyre në proces blerje. Mjafton t’u hedhësh një sy artikujve të botuar gjatë javëve të fundit të muajit qershor dhe kushdo e kupton se e vërteta nuk mund të errësohet nga pushteti i parasë, nga pushteti i dhënë nga investitorët e huaj. /Evropa e Lirë
