Christian Panucci, trajneri i kombëtares shqiptare si futbollist ka pasur një eksperiencë për tu admiruar, pasi ka luajtur për skuadrat të mëdha europiane. Në Itali ai ka krijuar një personalitet të nderuar dhe tifozët e duan për atë që ka dhënë në fushë. Shpeshherë ai vihet në rolin e analistit dhe flet për ish-skuadrat e tj duke u bërë një analizë të shkurtër.
Në intervistën e tij për “Calcio&mercato”, 45-vjeçari foli për Interin dhe afrimin e Giuseppe Marottas si administrator të zikaltërve. Ish-lojtari i Interit në sezonin 1999-2000 mendon se skuadra italiane duhet të ndryshojë përbërjen e skuadrës, pasi eliminimi nga grupet e Champions Leagues ishte një goditje e madhe për klubin zikaltër.
“Për të qenë i sinqertë, Giuseppe Marotta është një lider i vërtetë, por në fushë luajnë lojtarët dhe duhen futbollistë të vërtetë për të fituar ndeshjen. Marotta sigurisht që është ekspert, është një drejtues i madh, por nëse eliminohesh në grupet e Championsit, duhet të reflektosh se mungon diçka te ky Inter për të konkurruar“, – mendon Panucci.
