Të gjithë e njohim yllin e popit Michael Jackson. Nuk besojmë se është dikush i cili nuk i ka dëgjuar të paktën një herë në jetën e vet hitet e tij. Por a ishte Michael Jackson ashtu si ne e njihnim dhe e mbajmë mend? Ish shërbyesja e tij na tregon të vërtetën.
Në intervistën e saj të parë televizive ish shërbyesja e Mbretit të Popit ka treguar ngjarjet e ndodhura në vilën famëkeqe Neverland Ranch në pronësi të Michael Jackson.
Adrian Mcmanus, e cila ka punuar si shërbyese personale e Michael Jackson ka dhënë nje intervistë ekskluzive për median “60 MINUTA” dhe ka treguar histori dhe fakte shqetësuese për publikun në lidhje ndaj akuzave për pedofili, akuza që e kanë shoqëruar Michael Jackson përgjatë gjithë karrierës së tij dhe jetës personale.
McManus u punësua si shërbyese personale e Michael Jackson në vitin 1990. Mbas 3 muajsh në punë asaj ju besua të pastronte dhomën personale të këngëtarit të famshëm. Aty, tregon ajo, bëri zbulimet e tmerrshme.
“Herën e parë që u futa të pastroja dhomën e tij mbeta e shokuar dhe nuk dija nga ta nisja”– u shpreh ajo gjatë intervistës. Ka qenë dritarja e dhomës së Michael Jackson ajo e cila i ka dhënë mundësinë McManus të vëzhgonte sjelljet agresive të tij.
“Ai e kishte zakon të ftonte djelmosha të vegjël në dhomën e tij dhe fillonte t’i përkëdhelte e t’i puthte ata. Michael Jackson ishte një njeri i famshëm, karakterizohej për sjellje të mirë dhe i dashur në publik, por pas portave të larta të kështjellës Neverland, ai ishte një burrë me probleme të mëdha dhe krejt ndryshe nga çfarë njerëzit ishin mësuar ta shihnin. Nuk numërohen fëmijët të cilët kanë qenë viktima të dëshirave të tij seksuale të sëmura.”
Kur u pyet përse nuk kishte bërë kallëzim më parë të skenave të tmerrshme që kishte parë ajo u shpreh se ishte kërcënuar nga Michael Jackson në të gjallë të tij, e madje pas vdekjes familjarët e kërcënuan se nëse do dilte një fjalë prej saj do t’i prisnin fytin.
“Ata thanë se nëse do flisja, do punësonin një vrasës me pagesë të më priste fytin e të më bënte copa copa sa as trupin mos ma gjenin, por tani nuk kam frikë dhe kam vendosur të tregoj çdo gjë u shpreh ajo”.
