BBC ka transmetuar një dokumentar për futbollin në Afrikë dhe bëhet fjalë edhe për një investigim dyvjeçar, ku ka zbuluar se në këtë kontinent gjithçka kontrollohet nga ryshfetet, të cilat janë të zakonshme edhe në rangjet më të larta.
Dokumentari “Numri 12” përmbledh me dhjetëra orë filmime me kamera të fshehta, janë treguar se si futbollistë, trajnerë, gjyqtarë dhe zyrtarët më të lartë të futbollit botëror marrin ryshfet rregullisht.
Mes pamjeve është edhe ajo vijërojtësit kenian, Aden Marua, i cili duhej të ishte pjesë e Botërorit 2018. Ai shfaqet duke marrë një ryshfet prej 600 dollarësh para një ndeshje. Pas publikimit të një pjese të dokumentarit, FIFA bëri të ditur se vijërojtësi në fjalë ishte tërhequr për probleme personale nga aktiviteti.
Ndërkohë, vetë presidenti i Federatës Ganeze të Futbollit, Kyeshi Nantaki, filmohet duke marrë një ryshfet prej 65 mijë dollarësh, të cilat i fut me shpejtësi në një qese plastike. Nantaki është anëtari i Këshillit të FIFA-s, organit më të lartë që drejton organizatën që kontrollon futbollin botëror.
