Kush është i prekur drejtpërdrejt nga gjobat apo mospagimi i taksave për automjetin e tij, më në fund do të shohë dritë në fund të tunelit.
Nga 8 maji hyn në fuqi ligji për faljen e taksave të papaguara për makinat dhe fshirjen e detyrimeve për mjetet që çregjistrohen. Kjo shuarje detyrimesh pritet të prekë rreth 140 mijë mjete.
Ligji i miratuar nga Kuvendi parashikon faljen e plotë të taksave dhe të gjobave për makinat, që prej vitit 2011, të cilat më pas çregjistrohen, duke dalë nga qarkullimi.
Ndërkohë që kush dëshiron ta mbajë, do të jetë i detyruar të paguajë taksat e prapambetura, por pa gjobat dhe penalitetet.
