Kafshët tek përrallat që ju tregojmë fëmijëve janë gjithmonë të veçanta dhe me fuqi të mbinatyrshme. Me sa duket dhitë e Pakistanit “Markhor” janë tamam si mund t’i përshkruanim në përrallat që u tregojmë fëmijëve.
Këto dhi janë kafshë të jashtëzakonshme dhe të mahnitin me bukurinë e tyre. Brirët e këtyre dhive janë me dredha e mund të arrijnë një gjatësi deri në 5 metra.
Por për të gjithë gjuetarët që duan të kenë si trofe brirët e këtyre dhive do bënin të pamundurën për t’i vrarë ato.
Javën e kaluar, një gjuetar amerikan me emrin John Amistoso bëri pikërisht këtë gjë. Ai pagoi 100,000 dollarë për të udhëtuar në malet e largëta të Pakistanit për vrarë dhinë e rrallë.
Dhitë “Markhor” nuk janë vetëm kafshët kombëtare të Pakistanit, por gjithashtu klasifikohen si të kërcënuara nga Bashkimi Ndërkombëtar për Ruajtjen e Natyrës (IUCN).
“Thedodo” shkruan se gjuetia mbetet një rrezik i lartë për këto dhi të rralla. IUCN deklaron se në natyrë ka më pak se 6,000 krerë të këtyre dhive.
Iris Ho është specialist i lartë për programet e kafshëve të egra dhe politikat për Humane Society International (HSI). Ai e dënon ashpër këtë masakër që po i bëhet këtyre kafshëve të rralla.
“Është e trishtueshme që të shohësh njerëz të pasur që paguajnë shifra të çmendura për të vrarë kafshë të rralla si janë dhitë “Markhor”. Ky hobi i çmendur i njerëzve të pasur nuk duhet që të lejojë që ata të shfarosin kafshët e rralla vetëm për argëtim”, deklaroi Ho.
Këto dhi të rrallë kanë fatin e keq si mijëra kafshë të tjera që janë në zhdukje vetëm për të plotësuar kapriçot e gjahtarëve të pasur amerikanë. Përshtati TIRANA TODAY
