Autoritetet amerikane në faqen në internet kanë porositur qytetarët amerikanë që mos të udhëtojnë në Bosnje dhe Hercegovinë, pasi ekziston rreziku nga sulmet terroriste, por edhe prania e madhe minave luftarake.
Në faqen e Departamentit të Shtetit amerikan përmenden edhe vendet që përbëjnë një rrezik më të madh. Amerikanët u këshilluan që t’i shmangen ndërtesave të autoriteteve lokale, si dhe vendet ku jka prani të shtuar të personave.
“Grupet terroriste po vazhdojnë të planifikojnë sulme të mundshme në Bosnje dhe Hercegovinë. Terroristët mund të sulmojnë, duke vënë në cak lokacionet turistike, nyjat e transportit, qendrat tregtare, ambientet e administratave lokale, hotelet, klubet, restorantet, objektet fetare, parqet, ngjarjet sportive apo kulturore, aeroportet dhe hapësirat tjera publike”-njofton Departamenti i Shtetit amerikan.
Për të gjithë ata qytetarët që vendosin të vizitojnë Bosnjës, Departamenti i Shtetit ka hartuar një hartë me listë dhe këshilla, duke rikujtuar se nëse qytetarët ndodhen përballë vështirësive të dinë të tërhiqen përmes hartës dhe këshillave të lëshuara prej departamentit amerikan.
