Nga Pogradeci kanë folur sot Kryeprokurori Olsian Çela dhe Ambasadorja Kim. Të dy personalitetet ishin në Pogradec në një aktivitet në mbështetje të viktimave të dhunës.
Ambasadorja amerikane në Shqipëri Yuri Kim u shpreh se në rastet kur ka krime viktimat duhet të marrin atë që u përket dhe shkelësit duhet të dënohen. E pyetur mbi shkarkimin e Presidentit Meta ajo preferoi të mos komentojë.
Ambasadorja Kim: “Sikurse e tha Olsian Çela jemi këtu për tu takuar me 3 nga koordinatorët e viktimave, Korçë, Elbasan dhe Pogradec. Koordinatorët luajnë një rol të rëndësishëm për reformën në drejtësi. Donim të shihnim si po shkonin dhe çfarë mund të bëjmë për të ofruar më shumë mbështetje.
Prokurori dhe unë folëm për të vazhduarit me ndjekjen e krimeve zgjedhore. Në rastet kur ka krime viktimat duhet të marrin atë që u përket dhe shkelësit duhet të dënohen. Folëm edhe për rëndësinë që ka ruajtja e këtij roli të prokurorëve”
Pyetet për shkarkimin e Presidentit Meta:“Sot doja të fokusohesha vetëm te drejtësia dhe koordinatorët e viktimave”
Kryeprokurori nga ana tjetër theksoi në fjalën e tij mbështetjen e marrë nga Ambasada Amerikane në Tiranë.
Olsian Çela: “Takimi sot ishte i fokusuar në rolin që kanë koordinatorët e viktimave në sistemin e drejtësisë në Shqipëri. Duhet të dini që ky rol vitet e fundit është theksuar. Kemi marrë mbështetje nga misioni i OPSAT, nga ambasada e SHBA. Takimi u fokusua pikërisht në mbështetjen që duhet t’ju japim forcimin e tyre të mëtejshëm.
Duke pasur në fokus situatën e krimeve në shoqërinë shqiptare, ndaj femrave, ndaj të miturve, ndaj më të dobtëve. Ky takim shërben për të rritur mbështetjen tek operatorët e sistemit të drejtësisë. Prokurorët e gjyqtarët duhet të jenë në mbështetje të viktimave të dhunës. Ne në këtë punë, do kemi mbështetje edhe nga ambasada amerikane”
