Ambasadori amerikan në vendin tonë Donald Lu, teksa ishte pjesë e ceremonisë se Diplomimit për studentët e Shkollave Profesionale ka ndarë me të pranishmit një pjesë nga rinia e tij, në kohën kur ishte student.
Ndërkohe që ka dhënë edhe një mesazh të fortë për të gjithë të rinjtë shqiptarë që janë në kërkim të një vendi të mirë pune.
Donald Lu ka treguar se për përvojën e tij në një furrë ëmbëlsirash. “Zgjohesha çdo ditë në 5 të mëngjesit e mësoja si të bëja bukë, biskota dhe ëmbëlsira. Gjithë dyqani i bukës mbante erën e ëmbëlsirave. Disa nga ju keni ndjekur kurse të avancuara gatimi, të tjerë kanë mësuar rreth menaxhimit të bizneseve. Sot 164 nga ju jeni stazhierë, më pëlqen që 62 kanë gjetur punë, e di që më shumë do të gjejnë në ditët e ardhshme. Shumë të rinj po kërkojnë punë të mirë, shumë kompani e kanë të vështirë të gjejnë punonjës të kualifikuar. Nxis të rinjtë të aplikojnë këtë vit në këtë program, ju doni punë të mira, ne duam që ju të jeni gati për ekonominë moderne”, – tha ai.
