Peshqit e mëdhenj (ato të artikuluar në mënyrë figurative nga politika shqiptare), ende nuk janë kapur. Prej muajsh pritet kapja e peshqve të mëdhenj, por duket se duhet të presim gjatë.
Në shenjë këmbane alarmi, Ambasadori i Britanisë së Madhe në Shqipëri, Duncan Norman, i ka bërë thirrje Fatmir Xhafës që grupet kriminale të mos kenë imunitet.
Duke trumbetuar faktin se ka ende sfida përpara, ai nuk nguroi të nënvizojë faktin se peshqit e mëdhenj mbeten ende në oqean dhe se anëtarët më të lartë të grupeve kriminale kanë imunitet, sa i përket ndjekjes penale dhe kjo duhet të ndryshojë.
“Unë e di që ministrat e Mbretërisë së Bashkuar, mezi po presin të kalojnë kohë me ministrin Xhafaj dhe ekipin e vet në takime të ndryshme me të.
Kemi shembuj suksesi. Një vit është një kohë shumë e shkurtër sa i përket zbatimit të ligjit. Ka ende sfida. Ata peshqit e mëdhenj për të cilët është folur, mbeten ende në oqean dhe se anëtarët më të lartë të grupeve kriminale kanë imunitet sa i përket ndjekjes penale, dhe kjo duhet të ndryshojë në vitet në vijim dhe ajo rrjeta duhet të mbyllet dhe duhet t’i kapë”, shtoi ai.
