Gjatë një vizite në Berat, ambasadori i BE në Tiranë, Luigi Soreca, ka kërkuar një marrëveshje me palëve për Kodin Zgjedhor dhe ngritjen e institucioneve të reja të Reformës në Drejtësi. Soreca ka kërkuar nga qeveria e opozita të bëjnë më të mirën për vendin.
“Qeveria dhe opozita duhet të bëjnë më të mirën për vendin. Tani po hyjmë në një periudhë mjaft të rëndësishme, siç është marrëveshja për Kodin Zgjedhor dhe Reforma në Drejtësi.
Përpara na pret një javë e rëndësishme për qeverinë dhe opozitën, që të bëjnë më të mirën për vendin, për të bërë atë që kërkon koha, e kjo kohë është tani”, tha Luigi Soreca.
Në lidhje me ecurinë e reformave për integrimin e vendit, ambasadori tha se po shikon progres. “Në këto 90 ditë të pranisë sime në Shqipëri, kam parë progres, ambicie për arritjen e rekomandimeve dhe shoh pozitivitet në këtë aspekt”, u shpreh ambasadori Soreca.
