Ambasadori gjerman në OKB, Christoph Heusgen, ka folur mbi idenë e ndryshimit të kufijve mes Kosovës dhe Serbisë.
Teksa foli në mbledhjen e Këshillit të Sigurimit, Heusgen e cilësoi këtë si një ide të rrezikshme, teksa tha se marrëveshja finale nuk duhet të përfshijë kufijtë në Ballkan.
“Asnjë marrëveshje në Bruksel nuk flet për ndryshimin e kufijve, ne në Gjermani mendojmë se këto ide nuk i kontribuojmë zgjidhjes. Këto përpjekje janë të rrezikshme dhe e destabilizojnë regjionin”, ka thënë ambasadori gjerman në OKB.
Po ashtu, ai kritikoi shtetin serb për lobimin kundër Kosovës, duke thënë se në këtë formë po tregojnë se nuk e duan anëtarësimin në BE, ndërsa vendimin e Gjykatës Ndërkombëtare të Drejtësisë e vlerësoi si të drejtë.
“Ju po e goditni veten me këmbën tuaj, duke lobuar që vendet të tërheqin njohjen e Kosovës. Unë kam menduar se Serbia dëshiron anëtarësimin në BE”, deklaroi ambasadori gjerman.
Ai në fund kërkoi që vendimi për taksën të tërhiqet, pasi i kontribuon zhvillimit ekonomik në Ballkan.
