Ambasada Holandeze në Shqipëri, i bën thirrje të gjitha forcave politike të vazhdojnë të angazhohen dhe të dialogojnë për të siguruar zgjedhje që zhvillohen në përputhje me standardet ndërkombëtare dhe me pjesëmarrjen e të gjitha palëve.
Ambasada sugjeron që të gjithë udhëheqësit politikë të marrin përgjegjësitë e tyre lidhur me stabilitetin e vendit. “Shqiptarët kërkojnë dhe meritojnë zgjedhjet që ofrojnë një ofertë të gjerë politike dhe që plotësojnë standardet zgjedhore. Edhe pse zgjedhjet pa pjesëmarrjen e opozitës do të ishin shumë të këqija, përsëri ato do të njihen si legjitime bazuar në standardet ndërkombëtare”.
Ambasada Holandeze gjithashtu ka shkruar për reformën në drejtësisë, për të cilën thotë se është mbështetur nga 90% e popullsisë shqiptare. Në shkrim thuhet se ambasada pret një progres të prekshëm nga ana e politikës shqiptare për të plotësuar pesë prioritetet kryesore për hapjen e negociatave të pranimit në BE. Puna konkrete e politikës shqiptare duhet të përfshijë rezultate të besueshme në luftën kundër drogës dhe kundër kriminalizimit të politikës, thuhet në reagimin e ambasadës.
Tirana Today
