Ambasada amerikane ka dhënë një njoftim me rëndësi, për të gjithë të interesuarit për vizë emigruese drejt SHBA-së.
Me anë të një njoftimi në faqen e saj zyrtare në Facebook, ambasada shkruan se intervistat e vizave imigruese caktohen nga Qendra Kombëtare e Vizave në Shtetet e Bashkuara.
“Intervistat e vizave imigruese caktohen nga Qendra Kombëtare e Vizave në Shtetet e Bashkuara. Për disa kategori vizash – fëmijët e martuar dhe vëllezërit e motrat – aplikantët duhet të presin me vite përpara se çështjes së tyre t’i vijë radha për intervistë,” shkruhet ndër të tjera në njoftimin e ambasadës.
