Ditën e nesërme, më 1 tetor, AMA pritet të fikë sinjalin e transmetimit analog.
Tre nga anëtarët e Këshillit të AMA-s kanë kërkuar që procesi i dixhitalizmit të shtyhet në një periudhë kohe pa afat. Kërkesë kjo që lidhet me plotësimin e kushteve të parashikuara në “Strategjinë e kalimit nga transmetimet analoge në transmetimet numerike”, miratuar nga Këshilli i Ministrave në shtator të vitit 2012.
Anëtarët e AMA-s shprehen mes të tjerash se qytetarët shqiptarë apo familjet në zonat e parashikuara për zbatimin e transmetimeve numerike nuk janë të pajisur me dekoderë sipas kërkesave të dokumenteve që rregullojnë procesin e dixhitalizimit.
Përmes një sondazhi kryer nga AMA, me një kampion prej 1600 familje të kontaktuar nëpërmjet telefonit fiks në qarqet Tiranë, Durrës, Vlorë, rezulton se 16% e popullsisë nuk është e pajisur ende me dekoder DVB-T2.
Nëse kërkesa nuk merret parasysh, atëherë nesër do të stakohet sinjali i transmetimit analog.
