Për herë të parë, Cristiano Ronaldo do të jetë në bankë dhe nuk do të luajë me bardhezinjtë. Lajmin e ka dhënë trajneri i Juventusit Allegri, i cili ka folur para ndeshjes me Atalantan.
“Cristiano Ronaldo do të jetë në bankë të mërkurën. Për herë të parë, ndeshjen do ta shohim bashkë”, ka thënë Allegri, duke dhënë një lajm të mirë kështu për portierin Etrit Berisha, i cili pritet të jetë në portë që nga minuta e parë tek Atalanta.
“Jam vërtet i lumtur për atë që po jep me fanellën e Juventusit, pasi mendoj se kjo është nisja më e mirë e Ronaldos në nivel golash dhe shifrash. Dua vërtet që të jetë në formën optimale në muajin mars, kur të vijnë sfidat vendimtare në Ligën e Kampionëve”, ka thënë Allegri, duke komentuar paraqitjen e Ronaldos te Juventus.
Sa i takon ndeshjes së radhës, Allegri tha se vlerëson skuadrën e Atalantës, ndërsa tha se lufton për fitore.
“Duhet të jemi mirë nga ana psikologjike, pasi nëse bëjmë të kundërtën, do t’ia dhurojmë ndeshjen Atalantas. Rivalët janë agresivë dhe kanë forcë fizike, por ne nuk do të ndalemi në fushatën për titullin”, deklaroi trajneri i Juventusit.
