Juventusi ka në përbërje një numër të madh lojtarësh të nivelit të lartë dhe ti ulësh në stol është e vështirë, pasi do krijohen përçarje. Deri në fund të sezonit që lamë pas Paulo Dybala ishte ylli i skuadrës së Juventusit, ndërsa tani në tre ndeshjet e para ai ka qenë zgjedhja e dytë e Allegrit, i cili vetëm një herë e ka hedhur në fushë si titullar.
Trajneri italian duket se preferon Cristiano Ronaldon para Dybala dhe për sulmin preferon të luaj në këtë mënyrë, me Ronaldon në të majtë, Madzukic në qendër dhe në të djathtë Bernardeschi apo Cuadrado. Ndërsa edhe kur Ronaldo luan sulmues “pykë” në të majtë preferohet braziliani Douglas Costa.
Kjo situatë aspak pozitive për yllin argjentinas ka bërë që ai të mendojë largimin. Nga ajo që shkruan “The Sun” për Dybala kanë treguar interes skuadra të mëdha nga Premier League dhe La Liga. Kaq ka mjaftuar që Dybala të mendojë për klubin e ri pasi në janar 99% do të ndryshojë skuadër.
