Bosi i Everton është shprehur se sulmuesi francez i Arsenal e ka pasur të ndaluar të kërkojë ndonjë klub tjetër edhe pse ai nuk ka gjetur hapësira për të luajtur në sezonin e fundit. Sam Allardyce ka pohuar se gruaja e Olivier Giroud është duke e penguar një lëvizje të tij në veri të Watfordit.
Mungesa e fuqisë në sulm e Everton u bë i dukshëm përsëri të martën pasi ata u ndanë në një barazim 0-0 kundër West Bromwich Albion. Përveç Wayne Rooney, klubi nuk ka një lojtarë që shënon dhe kjo e bën të domosdoshëm afrimin e një sulmuesi të ri në ekip. Giroud mund të jetë alternativa më e mirë që mund të bashkohet me Goodison Park nëse analiza e Allardyce e situatës është e saktë.
“Unë nuk do të kisha menduar se Giroud do të lëvizte nga Arsenal,pasi kishte refuzuar herën e fundit”, tha ai duke iu referuar takimit të pasuksesshëm të Evertonit me francezin në verë.“Me aq sa di un ai nuk do të lëvizë në veri të Watfordit, pasi gruaja e tij nuk dëshiron. Më besoni, gratë komandojnë ato janë boset.” Allardyce shpresonte që Rooney të rikthehet tek goli shumë shpejt, pas atij bllokimi në ndeshjen e fundit.
“Wayne ka një virus, kam udhëtuar natën e kaluar dhe u ktheva këtë mëngjes, shpresoj antibiotikët do ta ndryshojnë shpejt problemin e tij,” shtoi ai. Everton aktualisht ndodhet në vendin e nëntë në Premier Ligë, ndërsa Rooney ka shënuar 10 nga 24 golat që ka shënuar ekipi në 20 ndeshjet e fundit.
