Deputeti i Partisë Demokratike, Enkelejd Alibeaj thotë se ambasadori amerikan si orakull i vërtetë deklaroi se ka pasur presion dhe ryshfet për lirimin nga “arrest shtëpie” ndaj ish-ministrit të Brendshëm Tahiri.
I ftuar në “Tonight Ilva Tare” në Ora News, Alibeaj theksoi se presionin e bën ai që ka mundësinë që ta bëjë, duke deklaruar se kush e bën ryshfetin ai e ka interesin.
“Çfarë tha ambasadori amerikan dje? Ka thënë vetëm dy gjëra të thjeshta; ka presion dhe ka ryshfet. Presioni dhe ryshfeti ndaj sistemit gjyqësor janë vepra penale të rënda. Kush e bën presionin, ai që ka mundësi ta bëjë presionin. Kush e bën ryshfetin ai që ka interes. Vepra penale. Si orakull i vërtetë ta tha dje dhe të ndodhi sot, në mes të ditës mirë dhe bukur. Kjo është drejtësia. Ka gjë më të madhe pas 3-4 vitesh kur ka nisur reforma në drejtësi, ku duhet të binin në rrjetë peshqit e mëdhenj” u shpreh Alibeaj.
