Kreu i BDI-së, Ali Ahmeti ka folur nga Prespa për bashkëpunimin e partisë së tij me LSDM-në në disa komuna.
Teksa premtoi se BDI-ja do të punojë për progres në Resnjë dhe Prespë, Ahmeti tregoi se ku do të ketë bashkëpunim me LSDM-në.
Kjo e fundit do ta mbështesë BDI-në në Çair, Tetovë, Gostivar dhe Kërçovë, ndërsa BDI do të mbështesë kandidatët e LSDM-së në Shkup dhe Kumanovë.
“Në këto zgjedhje ne kemi një marrëveshje me partnerin tonë qeveritar. Atje ku nuk kemi mundësi që të fitojmë për kryetar komunash, për atë do të kemi mbështetjen e partnerit tonë, LSDM-së. Në Tetovë, Gostivar, Kërçovë dhe Çair, ata do të na mbështesin neve.
Ne do t’i mbështesim ata për qytetin e Shkupit, ku ne nuk kemi mundësi që të fitojmë. Edhe në Kumanovë ne nuk kemi mundësi që të fitojmë dhe do të mbështesim kandidatin e LSDM-së, pra një partneritet të ndërsjellë të stilit, më ndihmo që të të ndihmoj”, theksoi Ahmeti nga Prespa.
