Aleksandër Solonik lindi në Rusi, por ishte me origjinë nga Greqia e Veriut. Për këtë arsye njihej edhe si ‘Sasha Maqedonasi’. Që fëmijë tregoi interes të madh mbi artet marciale dhe armët e zjarrit.
U bë pjesë e ushtrisë sovjetike, dhe më pas e forcave speciale të policisë. U përjashtua pas 6 muajsh, për shkak të dhunës ekstreme ndaj të dyshuarve. Pas 2 viteve burg për përdhunim, Solonik bëhet pjesë e një bande si vrasës.
Ai u dërgua në Moskë ku eliminoi shumë nga bosët më të mëdhenj të mafies ruse. Kur u arrestua plagosi 5 policë. Në vitin 1995 u arratis nga burgu, dhe shkoi në Greqi me një identitet të rremë.
Aty krijoi bandën e tij të re me 50 anëtare, që merreshin me trafik droge dhe vrasje me pagesë. Solonik mendohet se ka kryer personalisht mbi 32 vrasje.
Në shkurtin e 1997, policia greke pretendoi se gjeti trupin e pajetë të Solonik në periferi të Athinës. Dyshohet se ai u vra me urdhër të mafies ruse.
Por ka zëra se ai e inskenoi vrasjen e tij, që ta kalonte i qetë pjesën tjetër të jetës.
TIRANA TODAY
