Kreu i Lëvizjes Vetëvendosje, Albin Kurti ka udhëtuar nga Kosova drejt Tiranës, për të mbështetur studentët që kanë bojkotuar mësimin dhe vijojnë protestën duke kërkuar plotësimin e 8 pikave nga Ministria e Arsimit dhe Sportit.
Kurti është ulur në auditoret e këtij fakulteti bashkë me studentë e pedagogë, ku ka vlerësuar nismën e tyre, duke i inkurajuar që të vijojnë të luftojnë për kauzën e arsimit.
Po ashtu, kreu i VV, tha se organizimi i studentëve dhe pedagogëve është i nevojshëm që të fitohet kauza e tyre.
“Organizimi është i nevojshëm për fuqizimin e kauzës. Fitoret në histori në shoqëri vijnë nga qëndresa. Protesta e studentëve e drejtë kur pedagogët janë më ta. Në Kosovë i kemi ndjekur protestat tuaja”, ka thënë Kurti ndër të tjera.
