Ka mbërritur në Tiranë kryeministri i Kosovës, Albin Kurti.
Ai është pritur me ceremoni nga kreu i qeverisë shqiptare, Edi Rama. Dy liderët do të zhvillojnë një takim me njëri-tjetrin, ndërsa më pas do të dalin në një konferencë të përbashkët për shtyp.
Kurti më pas do të vijojë takimet me zyrtarë të tjerë të lartë të vendit. Menjëherë pas konferencës ai do të takojë presidentin Meta, kreun e Kuvendit, Gramoz Ruçin dhe kryebashkiakun Veliaj.
Më pas, ai pritet të ketë edhe një takim me Lulzim Bashën në selinë e PD.
