Lëvizja Vetëvendosje ka qenë një ndër kritiket më të ashpra të qeverive të Kosovës, në këtë dekadë të parë si shtet i pavarur.
Kreu i kësaj lëvizje, Albin Kurti deklaroi në 10-vjetorin e Pavarësisë së Kosovës, se shpallja e pavarësisë kishte edhe një hap pas, pasi sipas tij në dokument harrohet disi e kaluara, pasi nuk përmenden vuajtjet dhe lufta e bërë për të ardhur deri këtu, tha ai për Top Channel.
“Nuk ishte vetëm hap përpara, por kishte edhe hap pas. Në dokumentin e Pavarësisë përmendet më shumë pako Ahtisari, që zvogëlon Pavarësinë. Nuk referohet ushtria, nuk referohen vuajtjet dhe lufta e bërë për të ardhur deri këtu. Është një deklaratë që sheh përpara, por harron disi se nga kemi ardhur deri këtu”, deklaroi Kurti.