Mbajtja në krah e shiritit të kapitenit tek Milan nga ana e Bonucci nuk është përtypur mirë edhe nga ish-lojtarët e kuqezinjve. Së fundmi për këtë çështje ka ndaluar të flasë Albertini. Ai është shprehur se ka lojtarë të tjerë në ekip që e ndjejnë më shumë fanellën që veshin dhe që mund të transmetojnë tek grupi atë që duhet nga një kapiten. Por mendoj se Bonucci e ka bërë këtë vetëm për të qenë titullarë në cdo ndeshje.
“Nuk kam pasur kontakt me askënd. Është gjithmonë e vështirë të vlerësosh këtë situatë, por mendoj se ai është zgjedhur pasi është një lojtar që do ta ketë gjithmonë të sigurt vendin e titullarit. Personalisht, pasi kam përjetuar shumë atmosfera të ndryshme, dhe nuk mendoj se lideri nuk është domosdoshmërish ai që mban shiritin, por ai që është më i rëndësishmi dhe karizmatiku. Jam i bindur se lojtarët që njohin më mirë filozofinë e Milan, mund t’ia transmetojnë ndjesinë e të veshurit fanellën e Milan.”-është shprehur Albertini për Sportitalia.
Demetrious Albertini ka mohuar edhe zërat që ishte kontaktuar nga ekipi i Milan për të marrë një post drejtues në ekip.
“Kam lexuar rreth kësaj çështje, por ishte thjesht një thashetheme.”
