(Daily Mail) Një foshnje ka vdekur pasi thuhet se është ekspozuar ndaj niveleve toksike të nikotinës së lëngët nga një cigare elektrike, rast për të cilin ka nisur hetimet zyra “The Victorian Coroner”.
Nikotina e lëngshme është e jashtëligjshme në Australi, por ende mund të blihet online nga shitësit ndërkombëtarë dhe merret me postë. Si rezultat i vdekjes së foshnjave, ekspertët anti-duhan kanë vënë në pikëpyetje sigurinë e cigareve elektronike.
‘Herald Sun’ njoftoi se mjeku nuk pranoi të tregojë detajet rreth incidentit, por konfirmoi se vdekja ishte si rezultat i drejtpërdrejtë i ekspozimit ndaj nikotinës së lëngshme.
Vetëm një mililitër i koncentratit të nikotinave të lëngshme është e mjaftueshme që të jetë fatale për një fëmijë nëse e thith, ka raportuar mjeku.
“Victoria” ka kërkuar që qeveria federale të marrë seriozisht ndalimin e nikotinës së lëngshme në Australi. “Shqetësimi i madh për helmimet është rritur gjatë dy apo tre viteve të fundit, është kthyer në një problem të vërtetë”, tha drejtori i “Quit Victoria”, Dr Sarah White.
“Duke lënë mënjanë ndonjë argument apo diskutim rreth ndërprerjes së pirjes së duhanit ose reduktimit të dëmeve, ajo që ne duhet të bëjmë është të vendosim disa standarde themelore të sigurisë së konsumatorëve rreth këtyre lëngjeve.”
Shifrat nga Qendrat e Informacionit të Zbulimeve treguan se në 2016-ën kishte 70 helmime nga cigaret elektronike, që ishte më shumë se dyfishi nga viti i kaluar.
Hulumtimet gjithashtu zbuluan se nga 202 raste të helmimit nga cigaret e regjistruara në Australi 76 ishin fëmijë, duke përfshirë 62 foshnja.
Departamenti i Shëndetësisë i Qeverisë Australiane deklaroi se Organizata Botërore e Shëndetësisë ishte ende në pritje për të gjetur dëshmi bindëse që tregojnë rrezikun e nikotinës së lëngshme.
“Popullariteti në rritje i përdorimit të cigareve elektronike në të gjithë botën ka korresponduar gjithashtu me një numër në rritje të helmimeve “, thuhet në një deklaratë nga Drejtori i Përgjithshëm i Këshillit Kombëtar të Shëndetit dhe Këshillimit Mjekësor, Anne Kelso.
‘Efektet ekspozimit ndaj saj janë: acarimi i syve dhe i lëkurës, të vjella dhe një sëmundje e rrezikshme që në disa raste shkon deri në vdekje.’ TIRANA TODAY
