Policia e Tiranës ka marrë një alarm për bombë në zonën e bulevardit ‘Zogu i Parë’. BalkanWeb raporton se shkak për lëvizjen e policisë është bërë një çantë e dyshimtë e braktisur në atë zonë.
Ndërkohë mësohet se policia ka shkuar në vendngjarje dhe ka vendosur perimetrin e sigurisë. Ajo çfarë duhet theksuar është se distanca e perimetrit të sigurisë është shumë e vogël dhe shumë njerëz po kalojnë thuajse ngjitur me çantën.
