Mediat e huaja kanë zbuluar një tjetër histori dashurie në botën e kinematografisë. Al Pacino i cili është 78-vjeç, duket se ka gjetur dashurinë e tij. Pretendohet se ai është në lidhje me aktoren dhe këngëtaren izraelite Meital Dohan, 39 vjeç. Madje historia e tyre ka disa muaj, por ata kanë preferuar që ta mbajnë të fshehtë.
Burimet zbuluan se Pacino dhe aktorja ishin për një darkë në restorantin “Dan Tana” në Los Angeles.
“Ata qëndruan në heshtje për disa muaj, por janë shumë të lumtur”, tha një burim për “Page Six”.
“Ata fillimisht po i mbanin gjërat shumë private, por tani s’po e mbajnë më sekret”.
Ylli i “Godfather” ishte në Los Angeles këtë verë, duke filmuar “Once Upon a Time in Hollywood”, bashkë me Leonardo DiCaprion dhe Brad Pitt.
