Ditët e fundit në disa portale janë publikuar lajme se rrjeti i supermarketeve Big Market tregton produkte të skaduara duke i fshehur datën e skadencës.
Big Market ka reaguar duke përgënjeshtruar lajmet e rreme. Big Market bën me dije të gjithë klientët e saj, opinionin publik, Institucionet Shtetërore se në asnjë rast të vetëm, në asnjë pikë shitje të saj nuk tregton produkte të skaduara dhe nuk përdor asnjë lloj makinacioni tek afatet e skadencave. Në çdo pikë Big Market ka punonjës të profilizuar vetëm për të kontrolluar artikujt për datat e skadencave.
Big Market siguron opinionin publik, klientët e saj dhe institucionet e shtetit Shqiptar, se ky rrjet i madh supermarketesh nuk do të ndikohet dhe as të intimidohet nga këto lloj shpifjesh apo lajme dasha-keqëse që kanë për qëllim “Cenimin e Imazhit të Kompanisë”, përkundrazi do të vazhdojë të rrisë gamën e produkteve dhe shërbimin e kulturuar në çdo supermarket.
Rrjeti Big Market ka kontratë me çdo prodhues dhe furnitor, për çdo artikull që tregton, në çdo supermarket. Një nga pikat kryesore të kontrates së lidhur me ta është: “ për produktet në datë të afërt skadence, palët bien dakord që, përfaqësuesi i një pike të caktuar Big Market të njoftojë furnitorin me e-mail 45 ditë përpara afatit të skadencës dhe pala furnizuese ka përgjegjësinë që të tërheqë këto produkte brenda 5-ditëve”.
Për sa më sipër, ju garantojmë se janë angazhuar intensivisht të gjithë mekanizmat Administrative e Ligjore, të cilët në bashkëpunim të ngushtë me partnerët e Rrjetit Big Market, me Institucionet e Shtetit Shqiptar dhe me qytetarë të shumtë e dashamirës të këtij rrjeti, do të tregojnë me fakte e prova, fytyrën reale të portaleve keqdashëse dhe përdoruesve të tij.
Duke falenderuar të gjithë klientet për besimin e tyre, i sigurojmë se gjatë vitit 2018 dhe në vazhdim, në Rrjetin Big Market, do të gjejnë shërbim korrekt, produkte cilësore e të sigurta dhe çmime të arsyeshme.
Big Market, do vazhdojë të mbështetet në ofrimin e produketeve të garantuara, në krijimin e kushteve sipas standarteve bashkëkohore dhe në bashkëpunim e mirëkuptim me klientët, do të vlerësojë çdo vërejtje e sygjerim të tyre, duke respektuar e zbatuar me korrektesë legjislacionet në fuqi.
