Presidenti i Paris Saint-Germain, Nasser Al-Khelaifi është duke u përballur me akuza për korrupsion mbi të drejtat televizive të Kupës së Botës.Al-Khelafi, njeriu që pagoi 222 mln euro për të blerë Neymar nga Barcelona, është akuzuar nga policia zvicerane, e njëjta polici që ka investiguar trupin qeverisës të futbollit.
Biznesmeni është akuzuar se ka korruptuar disa individë për të siguruar të drejtat televizive të Kupës së Botës.
Ish-sekretari i përgjithshëm i FIFA-s Jerome Valcke është akuzuar gjithashtu, pasi thuhet të jetë korruptuar për të drejtat televizive.
Një nga rolet e shumta të Al-Khelaifi-t është drejtori i stacionit televiziv beIN Sports, që ka marrë të drejtat për të shfaqur Kupën e Botës.
Një deklaratë për shtyp e prokurorisë zvicerane zbulon se Al-Khelaifi pritet të ndiqet penalisht për korrupsion.
