Bashkëshortja e një çeçeni, i cili akuzohet nga autoritetet ruse për komplot për vrasjen e presidentit Putin, është vrarë në një pritë pranë Kievit.
Lajmi është konfirmuar nga autoritetet ruse, ndërsa në momentin e atentatit, gruaja ka qenë duke udhëtuar me bashkëshortin e saj, ky i fundit i akuzuar për komplot ndaj presidentit të Rusisë.
Adam Osmayev tha se ai dhe e shoqja, Amina Okuyeva, kanë qenë duke udhëtuar me makinë në periferi të kryeqytetit të Ukrainës, kur një automjet tjetër ka nisur t’i ndiqte. Personat brenda këtij automjeti kanë qëlluar duke goditur në kokë Okuyevan, e cila ndërroi jetë.
Osmayev, i cili mbeti i plagosur në sulm, ka dhënë detaje të pritës në një medie ukrainase, ndërsa akuzoi Rusinë për orkestrim të tij.
Osmayev është ndaluar nga autoritetet e Ukrainës në qytetin Odesa në shkurt të vitit 2012 dhe është akuzuar për posedim të eksplozivëve, dëmtim të pronës private dhe falsifikim.
Më kërkesë të autoriteteve ruse, ai më vonë u akuzua edhe për komplot për të vrarë Putinin, por Gjykata Evropiane e të Drejtave të Njeriut i ka rekomanduar Ukrainës që të mos e ekstradojë Osmayevin në Rusi dhe Kievi ka vendosur të pezullojë procesin e ekstradimit.
