Pas akuzave të bëra në adresë të ambasadës amerikane se po mban qëndrime te dyfishta në lidhje me reformën në drejtësi, vetë ambasadori Lu ka folur për Zërin e Amerikës dhe ka shpjeguar qëndrimin e ShBA.
Në përgjigje të interesimit të Zërit të Amerikës për këto akuza, ambasadori Donald Lu përmes një deklarate thekson se politikanët shqiptarë duhet t’i japin fund ankesave dhe t’i futen punës. Sipas ambasadorit, në vend që politikanët të fajësojnë të huajt.
Shtetet e Bashkuara ose Bashkimin Evropian, për problemet që kanë krijuar vetë, do të ishte mirë të kishin dialog politik me njeri tjetrin dhe te punonin bashkë për të zbatuar reformën në drejtësi, përfshi plotësimin me anëtarë të Këshillit të Lartë të Prokurorisë dhe Këshillit të Lartë të Gjyqësorit.
Ambasadori Lu u bën thirrje politikanëve që të bashkëpunojnë për të zgjidhur mosmarrëveshjet lidhur me Prokurorin e Përgjithshëm, për mbështetjen e ligjeve të mira dhe për të ofruar burimet që policia dhe prokuroria të kapë kokat e krimit të organizuar”-ka shtuar mes tjerash ambasadori amerikan Donald Lu.
Ditë më parë, kryetarja e LSI i ka dërguar një letër ambasadorit amerikan në lidhje me votimin e kryeprokurores, pasi sipas saj, ajo është zgjedhur në kundërshtim me Kushtetetutën, por i menjëhershëm ka qenë reagimi i ambasadorit Lu, i cili theksoi se për zgjedhjen e kryeprokurorit mbështetet tek UPDAT dhe EURALIUS.
Përgjigjia e tij ishte mohuese ndaj Kryemadhit, duke lënë të kuptohet se ambasada amerikane e ka dhënë verdiktin e saj. Gjatë ditës së sotme, ishte Vasili që sulmoi ambasadorin Lu dhe Vlahutin, pasi sipas tij, ata po vijojnë të heshtin.
