Një nga kritikët e Lulzim Bashës, Edvin Kulluri është tërhequr nga gara në Këshillin Kombëtar të Partisë Demokratike.
Kulluri e ka cilësuar këtë garë si një ‘farsë’, ndërsa ashtu si Edith Harxhi ai shkruan se do mbështesë në çdo mënyrë protestën masive të studentëve dhe qytetarëve, deri në largimin e kësaj qeverie.
“Të qenit anëtar i PD-së është nder, por nuk mund t’i lejoj vetes të bëhem pjesë e opozitës së emëruar nga Edi Rama”, përfundon Kulluri.
Postimi i plotë:
Te dashur miq dhe delegate te Kuvendit te PDSH-se! Duke u nisur nga situata e rende ne te cilen ndodhet Partia Demokratike per shkak te leaderiship-it te saj qe vepron ne kundershtim te hapur me cdo parim demokratik, deklaroj terheqjen nga gara “farse” per Anetar i Keshillit Kombetar! Duke falenderuar per vleresimin e qindra delegateve qe me kane shkruar qe nga mbremja e djeshme duke me dhene mbeshtetjen, do vazhdoj te angazhohem ne opozite me kete qeveri te korruptuar, kriminale dhe anti-demokratike! Do mbeshtes me cdo menyre protesten e studenteve dhe qytetareve, deri ne largimin e kesaj qeverie dhe “mashave” te saj ne opozite! Te qenit anetar i PD-se eshte nder, por nuk mund ti lejoje vetes te behem pjese e opozites se emeruar nga Edi Rama! Ju faleminderit!”.
