Eliminimi i Juventusit në sekondat e fundit nga Real Madrid në Champions League vazhdon të komentohet edhe pse ka kaluar një javë nga ndeshja. Këtë herë është bërë protagonist aktori komik italian, Mauricio Kroca, i cili gjatë transmetimit të “Fratelli di Crozza”, e ka ekzagjeruar në sulmin ndaj Benatia. Marokeni pas penalltisë së kthyer në gol nga Ronaldo, e cilësoi si përdhunim vendimin e arbitrit, ndërsa aktori komik e ka ekzagjeruar me përshkrimin që i bën Benatias.
“Benatia, ti ke thënë se ajo penallti ishte një përdhunim. Po çfarë përdhunimi thua? Ki kujdes kur përdor fjalët, je ti që ke bërë një ndërhyrje prek k… në shtesë. Nëse do të bësh sërish faull k…, tani e ke idenë si mund të bësh”, – është shprehur komiku Kroca.
Mbrojtësi i Juventusit ka reaguar në profilin e tij në Instagram mjaft i inatosur: “Nëse do ta provosh, jam në Vinovo çdo ditë, të pres. Debil, kokë k.., nuk bën askënd për të qeshur”, – shkruante Benatia.
