Moderatorja e njëkohësisht aktorja Rudina Dembacaj, këtë të shtunë do të jetë e ftuar në emisionin “Thumb”. Në klipin përmbledhës të kësaj jave, në një sekuencë, Dembacaj dëgjohet teksa flet edhe për spektaklin e humorit “Al Pazar”.
Ajo edhe një herë tjetër rikonfirmon përplasjen me Agron Llakaj, duke thënë se ai spektakël nuk i ka lënë aspak shije të mirë.
“Me thënë të drejtën, “Al Pazari” nuk më bënte më për të qeshur, kurrë më, përveç binjakëve se i dua shumë”.
Më tutje ironizon: “Sa gjynah se do marrin gjobë ata; nuk flas me binjakët”.
