Një grua nga Karolina Veriore, SHBA, është arrestuar nën akuzën se ka shkëmbyer vajzën e saj 1-vjeçare me një makinë të përdorur.
Sipas mediave amerikane, gruaja 45-vjeçare u arrestua në shtëpinë e saj, pasi policia kishte marrë informacione se ajo ia kishte dhënë vajzën e saj të mitur një çifti në këmbim të makinës.
Policia ka arrestuar edhe çiftin, Marie Chavis dhe Vincerio Romero, të cilët u shtirën se fëmija i mitur ishte i tyre. Ishte stafi i një qendre shëndetësore, ata të cilët pasi morën vesh për marrëveshjen mes gruas dhe ciftit, njoftuan policinë dhe shërbimet për mbrojtjen e fëmijëve.
Marie ishte paraqitur në këtë qendër mjekësore me fëmijën në dorë, e cila kishte shenja në trup, duke u thënë mjekëve që kishte kaluar një reaksion alergjik. Alice e kishte dhënë vajzën në 2018 dhe në këmbim kishte marrë një Laser Hatchback Plymouth të viteve ’90.
