Policia Kufitare e Igumenicës ka sekuestruar një sasi prej 73.8 kg kanabis dhe 2.3 kg kanabis çokollatë që u trafikua nga kufiri shqiptar.
Në bashkëpunim edhe me Policinë Kufitare të Sarandës, e cila shkëmbeu informacion, u bë e mundur arrestimi i 24-vjeçarit shqiptar me iniciale A.M. lindur në Sarandë dhe banues në Selanik. Ai transportoi lëndën narkotike tip Jeep me targa greke IKH 4455.
U arrestua gjithashtu edhe pritësi i lëndës narkotike në Kipseli Athinë shtetasi shqiptar Xh. C, 35 vjeç lindur në Delvinë dhe banues provizor në Athinë. Vijonë hetimet e përbashkëta për zbardhjen e plotë të këtij rasti të trafikut të lëndëve narkotike, si dhe po punohet nga të dyja palët për kapjen e personave që transportuan lëndën narkotike nëpërmjet kufirit jeshil.
Policia e Shtetit
Finalizohet një tjetër operacion antidrogë i përbashkët mes Policisë së Shtetit dhe Policisë Greke.
Operacioni mes Policisë Kufitare Sarandë, Policisë së Sarandës, Policisë Kufitare të Igumenicës dhe Antidrogës.
Arrestohet në flagrancë transportuesi i lëndës narkotike një 24 vjeçar nga Saranda.
Policia arreston në Athinë edhe pritësin e lëndës narkotike 35 vjeçarin nga Delvina
Sekuestrohen rreth 76 kilogramë Cannabis sativa
Policia Kufitare e Igumenicës në bashkëpunim me Antdrogën, pas informacioneve të marra nga Policia Kufitare e Sarandës, se efektivët e Policisë Kufitare Sarandë në bashkëpunim me Seksionin për Hetimin e Krimeve në Komisariatin e Policisë Sarandë ishin vënë në ndjekje të disa personave që dyshohej se po transportonin lëndë narkotike nëpërmjet kufirit jeshil, kanë organizuar punën ku kanë bërë të mundur që në vendin e quajtur Koritiani Thesproti IGumenicë të ndalohet një mjet tip JEEP me targa IKH 4455 me drejtues shtetasin shqiptar A.M. 24 vjeç, lindur në Sarandë dhe banues në Selanik .
Nga kontrolli i bërë nga Policia greke në automjet ju gjetën rreth 73 kilogramë dhe 840 gramë kanabis sativa si dhe rreth 2 kg dhe 30 gr çokollatë(Cannabis i përpunuar), që dyshohet se e ka marrë në një rrugë rurale në kufirin shqiptaro-grek nga personat që ishin në ndjekje nga Policia Kufitare e Sarandës dhe Policia e Sarandës.
Në vijim te hetimeve të përbashkëta , u bë e mundur që nga Policia greke të arrestohej edhe pritësi I lëndës narkotike në Kipseli Athinë shtetasi shqiptar Xh. C, 35 vjeç lindur në Delvine dhe banues provizor ne Athinë.
Vijonë hetimet e përbashkëta për zbardhjen e plotë të këtij rasti të trafikut të lëndëve narkotike, si dhe po punohet nga të dyja palët për kapjen e personave që transportuan lëndën narkotike nëpërmjet kufirit jeshil.
