Super-sfida Real Madrid – Barcelona është mbyllur plot emocione, madje rihap emocione të tjera. Goli i Messit në minutën 92 i ka dhënë tre pikët Barcelonës dhe rihap çështjen e kampionatit spanjoll, duke e kthyer atë në një luftë të vërtetë, pasi Reali në javën e fundit të këtij muaji pret Valencian.
Sfida u hap nga goli i Casemiros, i cili shfrytëzoi portën e boshatisur për të kaluar Realin në avantazh. Avantazhi i madrilenëve nuk zgjati shumë, pasi Messi me një driblim të bukur brenda zonës ndaj Carvahalit mposht Navasin duke barazuar gjithçka.
Me këtë rezultat u mbyll pjesa e parë dhe me fillimin e së dytës, Barcelona shtoi presionin e saj në portë dhe Ivan Rakitiç me një goditje të bukur, kalon Barcelonën në epërsi.
Kur dukej se Reali do të ngrihej, Ramos rrëshqet me taka ndaj Messit përpara arbitrit, i cili nuk ia kurseu kartonin e kuq. Atëherë kur dukej se Reali i Madridit u gjunjëzua, në lojë futet James Rodrigues dhe është po James, ai i cili barazon shifrat në 2-2.
Kur dukej se Reali po zgjaste duart drejt titullit kampion, Barcelona nis një kundërsulm, që sa hap e mbyll sytë, u finalizua në rrjetë nga Messi. Goli i shënuar nga argjentinasi ishte i 500 për ekipin blaugranas.
Me rezultatin 2-3 që dhuroi “El Clasico” sonte, na mundëson që javët e mbetura të jenë të gjitha me vlerë finaleje. Pasi Realin nga Barcelona i ndan vetem ndeshja e prapambetur Real Madrid – Valencia.
http://www.dailymotion.com/video/x5jglve_sport
