Pasditen e sotme, rreth orës 17: 00 pm, katër automjete janë aksidentuar në autostradën Tiranë-Durrës, në afërsi të Sukthit.
Në këtë aksident janë përfshirë një automjet tip Toyota, një BMW X6, një BMW X5 dhe një Benz.
Nga informacionet e para që vijnë nga vendi i ngjarjes, mësohet se paraprakisht nuk ka të lënduar në njerëz, por vetëm dëme materiale tek automjetet e përfshira në këtë aksident të pak minutave më parë.
Ndërkohë, bëhet me dije se aksidenti ka shkaktuar radhë të gjata automjetesh në autostradë.
Në vendngjarje ka mbërritur policia rrugore, e cila po punon për rikthimin e normalitetit në vendin e aksidentit dhe njëkohësisht për zbardhjen e dinamikës së ngjarjes.
