Partia Demokratike ka reaguar rreth aksidentit ku u përfshi deputeti i PDIU-së, Aqif Rakipi.
Sipas selisë blu, Rakipi njihet si mik i kryeministrit Edi Rama dhe për këtë po manipulohen provat, kur mësohet se Rakipi ka qenë me shpejtësi shumë të madhe kur përplasi për vdekje një 53-vjeçar.
Për këtë arsye, PD i kërkon prokurorisë që të hetojë në mënyrë krejt të pavarur këtë ngjarje.
Reagimi i PD-së:
Partia Demokratike kërkon zbardhje dhe transparence te plote te nje ngjarjeje te ndodhur sot ne orët e para të mëngjesit, ku të dhënat janë se deputeti Aqif Rakipi ka aksidentuar për vdekje me makine një person.
Ka dyshime serioze se ngjarja po përpiqet të mbahet e fshehte dhe te manipulohen provat dhe vendngjarja ne favor te deputetit qe njihet si mik i ngushte i kryeministrit Rama.
Partia Demokratike i kërkon policisë se shtetit te beje publike ngjarjen dhe i kërkon prokurorisë hetim te plote e te pandikuar politikisht. Te dhënat jane se deputeti mik i Rames ka qene me shume shpejtesi kur ka perplasur per vdekje personin dhe eshte larguar edhe nga vendngjarja me makinen e tij. Prishja e vendngjarjes do t’ju sjelle veshtersi eksperteve ne percaktimin e shkaqeve te aksidentit. Per kete arsye PD kerkon hetim e pergjegjesi te plote para ligjit per deputetin dhe drejtesi per viktimen.
