Aksidenti në punë i merr jetën 47-vjeçarit, arrestohet përgjegjësi teknik

Në Mirditë, një 47-vjeçar ka ndërruar jetë teksa ishte duke punuar në një firmë ndërtimi. Ai ishte banues në Vorë. Sipas policisë ka ndërruar jetë menjëherë pasi ka rënë në kontakt me rrymën elektrike. Sot policia ka arrestuar përgjegjësin teknik të firmës së ndërtimit Ç.A, 63 vjeç, banues në Tiranë, ndërkohë që ngjarja ka ndodhur dje.

Njoftimi i policisë: 
Më datë 22.07.2017, u arrestua në flagrancë shtetasi Ç.A, vjeç 63, banues në Tiranë, përgjegjës teknik, pasi rreth orës 10.00, në Reps, në rrugën e kombit Mirditë, tek një karburant, duke punuar për vendosjen e shtyllave ndriçuese të karburantit, dukë mos respektuar rregullat e sigurimit teknik, shtetasi B.S, vjeç 47, banues në Vorë, Tiranë, ka rënë një kontakt me rrymën elektrike dhe ka vdekur. Neni 289 i Kodit Penal.