Një aksident i rëndë është regjistruar mëngjesin e ditës së sotme në aksin rrugor Gjirokastër-Kakavijë. Për pasojë katër persona kanë mbetur të plagosur, pasi dy automjete janë përplasur me njëra-tjetrën në fshatin Derviçan.
Mësohet se mes të lënduarve ndodhet edhe një fëmijë 4-5 vjeç, i cili ndodhet në spital, në gjendje jo të mirë shëndetësore.
Të aksidentuarit janë dërguar në spitalin rajonal të Gjirokastrës, ndërsa policia ka nisur hetimet për të zbardhur rrethanat e ngjarjes.
